الثلاثاء، 2 ديسمبر 2014

Courses places in Cairo.

7
نظرًا للاستفسارات الكتير اللي بتوصلنا عن أماكن دورات اللغات في القاهرة الكبرى، واللي كتير من الشباب بيدوروا عليها؛ فعلى سبيل المساعدة جمعنا لكم بعض المعلومات عن أشهر المعاهد والمراكز وأفضلها بشهادة من حضر فيها، وأتمنى تنال إعجابكم وتفيدكم.


·    المجلس الثقافي البريطاني.
·       British Council.
بالنسبة للـمجلس الثقافي البريطاني مفيش حد يعيبه أبدا ولكن سعر الكورس أغلى هناك من الجامعة الأمريكية.
المركز الثقافي البريطاني (فى العجوزة) أو في أي فرع .
رقم المركز الثقافى البريطانى بالعجوزة: 023001666
الفاكس:     023443076
***
·       الجامعة الأمريكية بالقاهرة.
·       American University in Cairo –AUC-.
بالنسبة للجامعة الأمريكية بالقاهرة، في ميدان التحرير أو في أي فرع أنا درست المستوى(11&12)، أما بالنسبه للمستوى الـ (12)فكانت (American Instructor) محاضره امريكيه، وشهاداتهم بصراحه ليها وزنها.
أولاً: الكورسات العادية عدد المستويات (13)مستوى وعدد ساعات الدراسة في الأسبوع (3)ساعات، ومدة المستوى الواحد (3)شهور ورسوم المستوى الواحد (465)جنيه لأول مرة والاستمرار (495)جنيه ورسوم الامتحان (50)جنيه اول مرة وبعدها عند الاستمرار (75)جنيه.
ثانياً: الكورسات المكثفة.
عدد المستويات (6)مستويات عدد ساعات الدراسة (6)ساعات فى الاسبوع ومدة المستوى الواحد شهر ونصف ورسوم المستوى الواحد (930)جنيه لأول مرة والاستمرار (990)جنيه ورسوم الامتحان (50)اول مرة وبعدها (75)جنيهًا.
ثالثاً: المحادثة.
عدد المستويات (6)مستويات وعدد ساعات الدراسة (6)ساعات فى الاسبوع ومدة المستوى الواحد (3)شهور ورسوم المستوى الواحد (930)جنيه اول مرة والاستمرار (990)جنيهًا والامتحان (25)اول مرة والاستمرار (50)جنيهًا.
ملحوظة: معنى"اول مرة" هو انك عندما تبدأ تأخذ اول كورس لك، ومعنى الاستمرار هو باقى المستويات الباقية لك.
مواعيد الدورات:
الدورات العادية:
من (17)سبتمبر-إلى (15)ديسمبر.
من (23)يناير-إلى (17)ابريل.
من (4)مايو-إلى (27)يوليو.
من (3)اغسطس-إلى (30)اغسطس.
الدورات المكثفة:
من (4)نوفمبر-إلى(17)ديسمبر.
من (5)مارس-إلى (17)ابريل.
من (15)يونية-إلى (27)يوليو.
فروع الجامعة:
·       (28)شارع الفلكى- باب اللوق.
·       (2)شارع الخليفة الهادى من الامام على- ميدان الاسماعيلية- مصر الجديدة.
·       ارقام تليفونات الجامعه الامريكيه.
0227976853
0227976844
·       الفاكس:                                                                           027976858
***
·       معهد برليتز.
من: ليفيل (1) الي: (4)= (899)جنيهًا.
من: ليفيل (4) الي: (8)= (999)جنيهًا.
من: ليفيل (8) الي: (10)= (1099)جنيهًا.
امتحان تحديد المستوي (35)جنيهًا.
الكورس بيكون ثلاث مرات في الاسبوع كل مرة ساعتين ونص لمدة شهر ونص وده موقع المركز:
نظام التقديم هناك:
اولا انت بتطلب الفرع اللى قريب ليك وهو هيحدد لك ميعاد، هتروح هتقابل واحد هيشرحلك نظام الكورسات عندهم ونظام الدراسة، وبعد كدة يقولك حدد الوقت اللى عايزين تعملوا فيه تحديد المستوى اماكن التقديم.
ده الرابط هتلاقي كل المعلومات اللي هتحتاجها.
نظام الامتحان:
الامتحان في بيرليتز قسمين شفوي و تحريري و لازم تعديه علشان تدخل المستوى اللي بعده.
الشفوي بتبقى عبارة عن أسئلة بتتسألها في الحياة العامة يعني مثلا لو رحت محل ملابس حتختار تشتري أيه أو لو سافرت بره مثلا حتعمل أيه حاجات من النوعيات دي.
فيه كمان مجموعة بطاقات بتتوزع على الممتحنين و كل ممتحن حيبقى له رفيق و المطلوب إنك تجري محادثة مع الرفيق بتاعك بناء على اللي مكتوب لك في البطاقة.
كمان فيه قطعة بتتقرأ لك والمفترض إنك حترد على بعض الأسئلة الخاصة بيها وفي الغالب بيبقى أيه اللي بتتكلم عنه يعني تقول اللي فهمتهم منها.
نخش على التحرير بيبقى شامل كله بقى كلمات و قواعد و قطع و بيكون طبعًا بالنظام الأمريكي الاختيار من متعدد والإجابة بتبقى في ورقة كل اللي عليك إنك تختار رقم الإجابة الصحيحة لكل سؤال بس كده.
***
·       مَرْكَزُ الْأَهْرَامِ لِلُّغَاتِ وَالْكُمْبِيُوتَرِ.
أفضل مركز لتعليم اللغات على الإطلاق شوفته حتى الآن.
أفضل مركز فى مصر لتعليم اللغات والترجمة الفورية ودورات التويفل والايليست والدلف.
أول مركز فى الشرق الاوسط يوصل الدارسيين الى مستوى الترجمة الفورية خلال (6)شهور.
دبلومة المحادثة والترجمة الفورية.
دورات الملحقيين الدبلوماسيين والتمثيل التجاري.

مركز الاهرام لتعليم اللغات والترجمه الفورية ..
المركز دا يا جماعه بجد فظيع وعن تجربه شخصيه؛ لان المركز بيعتمد على المحادثات بطريقه اساسيه, وعلى الفيديوهات المنطوقه بنطق الاجانب, والمعايشه الفعليه مع اجانب, يعنى تلاقى نفسك بتتكلم زيهم وفى وقت قصير جدًا، بالاضافه لان اللى بيدرسلك فى السنتر داا مترجم فوورى، وانصح كل اللى بيدور على مركز يتعلم فيه اى لغه, يروح المركز دا ويجرب ياجمااعه دا من ثقتهم فى نفسهم بيخليك تحضر محاضرتين بمبلغ رمزى وبعد كدا تكمل فلوس الكورس لو عجبك النظام، طبعا هيعجبك اكيييييد، وكمان الاسعار بتاعته معقوله جداا جدااا، معتقدش انك هتلاقى مركز زى دا فى مصر.
العنوان: (3)شارع السلام امام فندق اوروبا- الهرم- الجيزه. 
موقع المركز
http://www.alahramcentre.com

أماكن الدورات التدريبية الشائعة والمجربة

1.   مَعْهَدُ الْقُوَّاتِ الْمُسَلَّحَةِ لِلُّغَاتِ   MODLI.

-      تحت مسمى  Ministry of defense language institute   يقع معهد اللغات للقوات المسلحة بشارع إسماعيل الفنجري – كوبري القبة – الوايلي – محافظة القاهرة.

-          تم تقييم المركز بناء على الإحصائيات الواردة 2018م بـ 88% بشكل عام.

-          يمكنك التواصل معه إلكترونيًا أو من خلال الهاتف 0222629830

-       يدرس المعهد العربية لغير الناطقين بها والانجليزية والفرنسية والإيطالية والروسية والإسبانية والصينية والكورية والتركية واليونانية والألمانية.

مَقَرُّ الْمَعْهَدِ:

-    فرع كوبري القبة (الفرع الرئيسي وده بيتاخد فيه محاضرات وكمان ده الفرع اللي بنحجز منه وبنشتري الكتب والسي ديهات).

-      فرع الدقي في شارع نوال بالدقي الشارع اللي امام المركز الثقافي الروسي هو شارع طووووووويل اوي بس موصلاته سهله.

-          فرع شبرا الخيمة.

الْوَرَقُ الْمَطْلُوبُ لِلتَّقْدِيمِ:

-          (2)صورة شخصية +صورة البطاقة.

رَسْمُ دُخُولِ الْامْتِحَانِ:

-     رسم دخول الامتحان بـ(20)ج وتديهم صورة البطاقة يطلعك ورقتين كدة باسمك، ورقم بطاقتك واحدة ليك والورقة التانية حياخدهها منك الـ( Instructor) اثناء الامتحان.

-          نظام امتحان تحديد المستوي:

-          الامتحان (100)سؤال على كمبيوتر

-          (50)سؤال Listening.

-          و(50)سؤال Reading.

-       أفضل مركز فى مصر لتلعليم اللغات والترجمة الفورية ودورات التويفل والايليست والدلف.

-       اول مركز فى الشرق الاوسط يوصل الدارسيين الى مستوى الترجمة الفورية خلال (6)شهور.

-       دبلومة المحادثة والترجمة الفورية.

-       دورات الملحقيين الدبلوماسيين والتمثيل التجارى.

-    يقدم المعهد خدماته لأفراد وضباط القوات المسلحة وأبنائهم بأسعار مخفضة وكذلك المدنيين ولكن بأسعاره العادية.

الْأَسْعَارُ:

-       طبعًا المعلومات دي مجمعة من زمان، علشان كده الأسعار مش مذكورة للأسف لحين وجود تحديث.

الاعْتِمَادُ:

-       شهادة معتمدة من وزارة الدفاع المصرية.

آرَاءُ الدَّارِسِينَ:

-       معهد القوات المسلحة؛ فالجميع بصراحه بيشكروا فيه وعلى فكرة الدراسة هناك انجليزي أمريكي.

هَذِهِ المعلومات تم جمعها من أشخاص درسوا بهذه الأماكن، كما تم الاستعانة بشبكة الانترنت، وذلك بالجهود الذاتية ولا تمثل هذه المشاركة أي من أنواع الدعاية والإعلان.
كما تخلي إدارة المدونة مسئوليتها فيما إذا حدث أي تغيير في أنظمة هذه الأماكن ولم يردنا أي تحديث، حيث أن المدونة لا تمثل أي من هذه المراكز بصورة أو بأخرى.
يُسْعِدُنَا إِمْدَادُكُمْ لَنَا بِالْمَعْلُومَاتِ فِي هَذَا الشَّأْن.
مَعَ الْعِلْم أَنَّ آخِرَ تَحْدِيثٍ لِهَذِهِ الْبَيَانَاتِ بِتَارِيخِ 2 دِيسَمبِرْ (كَانُونُ الْأَوَّلُ) 2011م.

ليست هناك تعليقات:

إرسال تعليق